I oktober 2002 (ein fredagskveld etter jobb) hadde vi kabaret på Nordøy Grendahus. Over 200 personar møtte opp og kosa seg med Lålipåpp. Dette var ein kabaret med hjelp frå musikkarar; Jan Gunnar Åkre på piano, Stian Haram på gitar og Hallgeir Remme på bass. Dessutan hadde vi ei herleg dansegruppe som liva opp stemninga; Anne Flem Nogva, Jill Alice Nogva, Sybell Agathe Flem Rogne, Sandra Marie Standal, Sonja Tomren og Judith Malen Vestavik.

Koret brukte mange solistar i denne kabareten - og eit par mann fekk prøve seg for første gong. Av repertoaret kan nemnast: Lollipop, King of the Road, Rom and Coca Cola, Itsy bitsy, Pretty Woman, Lucy Lips, Speedy Gonzales, Norwegian Wood, Mamma Mia, Thank You for the Music.