Aviser:
Aftenposten
VG
DN
Dagbladet
Nettavisen
Sunnmørsposten
Bergens Tidende
Firda Tidend

Nyttig:
Søk i TV-kanaler
Telefonkatalogen
Norgeskart
Norge i bilder
Norge Hvor.no
Tid i andre land
Været

Kommuner:
Haram
Gloppen

Startsider:
Startsiden.no
start.no
sol.no
online.no
hotmail.com

Rutetabeller:
SRB
FJORD1
ÅBR

Båtsider:
Baatnett
ABC baat
Boat.no
Finn.no-Båt
Båtbørsen
Kgl.Norsk Båtf.

Datatryggleik:
DataVirus
F-Secure

Mat:
Kjøt
Fisk

Har laga ei lita heimeside om meg og mitt og det i nærleiken......
Dersom du er interessert i foto, natur og litt kultur, ja då kan du gjerne ta ein rundtur
på denne heimesida. Skulle kanskje vore litt meir aktiv når det gjeld politiske spørsmål
som gjeld kommunen, men det er travelt å følgje opp, kanskje kunne eg kome med eit
lite sukk iblandt om ting og tang som eg veit grasrota her ute er opptekne av....t.d.
vindmøller, fastlandssamband (Nordøyvegen), ferjeruter og kapasitet, vêret...

Hausten har kome, med vind og regn. Det er lengre mellom dei fine dagane.
Men kler ein seg etter vêret, så kan vi ha det fint ute også. Mange har høve til å
senke sin kropp ned i ein varm badestamp ute, medan regn og vind herjar med det
som stikk opp av vatnet.

Det er ikkje lenge før kommunen sitt budsjett for 2009 skal avgjerast. Det er tøffe
tider for Haram kommune. Med altfor høg lånegjeld merkar ein finanskrisa med aukande
rentekostnader.  Heller ikkje aksjeformua har hatt det bra i denne økonomiske mot-
vinden. Det har vore investert og lånt mykje siste åra. Kommunesenteret har fått seg
eit løft som vi truleg ikkje hadde råd til.  Mange forstår heller ikkje at Haram kommune
har gått inn i det private Samfjordprosjeket med betydelege midlar - samstundes som
ein var klar over at mange andre kommunale oppgåver mangla pengar.
Eg reknar med at det i budsjettet vert foreslått nedskjeringar i skulesektoren og
og i helse og omsorgtenasta utanfor kommunesenteret.
For nokon må ta rekninga.

Ymse
Fant ei side på nettet som heiter Hvor.no. Gode bileter over Norge ned til greie
detaljar. Har lagt inn ei lenke til venstre på sida.  Har vore plaga med Gjesteboka mi.
Det kom inn reklame av ymse slag - som førte til at eg kutta den ut.  Har no fått i
gang ei ny som ikkje er så mottakeleg for uønskja støy. Bruk den!!!

Skuløy/Flemsøy
Her ute i havgapet - i eit lite samfunn - er det eit fint miljø og ein spesiell natur med skiftande ver og lys. Ja, det kan skifte så fort at vi har alle årstider på ein dag. 
Adressa er 6293 Longva. I menyen finn du kart og litt meir om øya.

Turterreng
Det er eit fint turterreng på øya. Både i fjell og i fjøre. Frå fjelltoppen Skulen (ca. 500 m) er det kjempefin utsikt over Sunnmørskysten. Nordøy Idrettslag har merka turstiar. 
Laget har eiga heimeside med informasjon. Eg har også lagt inn eit turkart.

Foto
Ein av hobbyane mine er fotografering. Det er mange flotte fotomotiv på øya og som sagt eit skiftande lys. Eg har lagt inn del foto på sida. Du finn dei i fotogalleriet samt på ein del andre sider. Under "Litt av kvart" ligg der foto frå ein del hendingar. For at det skal gå raskt å laste sidene - er bileta lagt inn i låg oppløysing - det går dessverre ut over kvaliteten. Hovudmengda av bileta er henta frå lokalmiljøet, så her kan du finne både folk og fe og natur på Skuløy/Flemsøy. 

Kor For Oss
I blandakoret Kor For Oss har vi det triveleg. Eg har lagt inn ein del informasjon om koret og foto frå nokre av våre konsertar/turar. Sjekk menyen. Koret har også ei eiga side
som er under opparbeiding. Den heiter korfoross.com.

Gamleskulen på Flem
Gamleskulen på Flem er blitt ein  kulturbærar i bygda. Den vert halden vedlike og driven av laget "Gamleskulen". Meir info på eiga side.


 

  Ope landskap
  Ope landskap har jobba aktivt for å verne den vakre og
  sårbare naturen på Skuløy/Flemsøy og Haramsøy. Vårt
  rekreasjonsområde - og naturen er snart det einaste vi har
  igjen av fordelar i vår "utkant". Også Havsul prosjektet vil 
  øydelegge natur og livskvalitet her ute.............

Ordet:

Longva

Sist endra
20.10.2008